कृषि तथा पशुपन्छी विकास मन्त्रालयको पृष्ठभूमि

नेपाल कृषि प्रधान देश हो, जहाँ देशको ठूलो जनसंख्या कृषि र पशुपालनमा निर्भर छ। कृषि तथा पशुपन्छी विकास मन्त्रालय (MoALD) नेपाल सरकार अन्तर्गतको केन्द्रीय निकाय हो, जसले कृषि, पशुपालन, मत्स्य पालन, भूमि सुधार तथा खाद्य सुरक्षासम्बन्धी नीति निर्माण, कार्यक्रम सञ्चालन,अनुसन्धान, र किसानहरूको समग्र हित तथा अनुगमनको जिम्मेवारी वहन गर्छ। मन्त्रालयको प्राथमिक जिम्मेवारी कृषि उत्पादन वृद्धिको प्रवर्द्धन, खाद्य सुरक्षाको प्रत्याभूति, पशुपालन विकास, तथा कृषकहरूको जीवन स्तर सुधार गर्ने नीति निर्माण गर्नु हो।

ऐतिहासिक पृष्ठभूमि

नेपालमा संगठित कृषि सेवा प्रवर्धनको इतिहास झन्डै एक शताब्दी पुरानो छ। औपचारिक रूपमा २००७ साल देखि कृषि सम्बन्धी सरकारी नीतिहरू लागू हुन थालेका थिए। प्रारम्भमा, कृषि तथा पशुपालनसम्बन्धी कार्यहरू छुट्टाछुट्टै विभागमार्फत सञ्चालन गरिएका थिए।

मुख्य ऐतिहासिक घटनाक्रम:

• २०१३ साल: कृषि विभाग स्थापना
• २०१९ साल: कृषि मन्त्रालयको गठन
• २०२८ साल: पशुसेवा विभागको स्थापन
• २०७५ साल: कृषि विकास मन्त्रालय र पशुपन्छी विकास मन्त्रालय गाभी कृषि तथा पशुपन्छी विकास मन्त्रालय को गठन